Տիգրան Հարությունի Սարգսյանը ծնվել է 1983 թ․ հուլիսի 12-ին քաղաք Երևանում։
2000-2006 թվականներին սովորել է Խ․Աբովյանի անվան Երևանի Պետական Մանկավարժական համալսարանի ֆիզիկամաթեմատիկական ֆակուլետում՝ տնտեսագետ-ինֆորմատիկ է և ունի մաթեմատիկայի ուսուցչի որակավորում։
2006-2007թթ․նրան շնորհվել է մաթեմատիկայի և տնտեսագիտության ուսուցչի մանկավարժության մագիստրոսի աստիճան։
2012-2013 թթ. աշխատել է Գ․ Գյուլբենկյանի անվան հ․ 190 դպրոցում՝ որպես ինֆորմատիկա և մաթեմատիկա առարկաների ուսուցիչ։
Կամավորական սկզբունքով մեկնել է Արագածոտնի մարզ՝ գյուղ Զովասար, որտեղ էլ մեկ տարի դասավանդելու ընթացքում 5% կուտակային կենսաթոշակի պարտադիր լինելու վեճի պատճառով ազատվել է աշխատանքից, սակայն դատական կարգով վերականգնվել։ Կարելի է հպարտությամբ նշել, որ միակ ուսուցիչն է, որ հաղթել է պարտադիր 5% կուտակային կենսաթոշակային ֆոնդի հետ կապված դատական գործը և դատական ծախսերի համար ստացված փոխհատուցումը (400.000 ՀՀ դրամ) ամբողջությամբ նվիրաբերել է այդ նույն դպրոցին՝ գույքի տեսքով(գրատախտակներ, գնդակներ, օղակներ, քարտեզներ և այլն)։
2014-2017թթ․ շարունակել է ինֆորմատիկա և մաթեմատիկա առարկաների ուսուցչի աշխատանքը «Հայ Կրթություն» կրթական հիմնադրամում, եղել է նաև շախմատային խմբակի ղեկավար-ուսուցիչ։
2009 թվականին եղբոր և հոր հետ հիմնադրում է բիզնեսի ավտոմատացման «Ակթրեյդ-Սոֆթ» ընկերությունը։
Իր էությամբ ակտիվիստ է՝ զբաղվել է «էլեկտրիկ Երևան», «Մաշտոցի պուրակ», «Դեմ եմ», «Վարորդի ընկեր» փողոցային շարժումներին, ինչպես նաև կարմիր գծերը հակասահմանադրական ճանաչելու, Երևանի քաղաքապետարանի և ԴԱՀԿ-ի դեմ քրեական գործ հարուցելու հայտնի գործերով։
2015 թվականից զբաղվում է իրավագիտությամբ՝ վարչական ոլորտում։ Վարել է կարմիր գծերի, ՃՈ, Հարկային մարմինների և ԴԱՀԿ-ի ապօրինի գործողությունների դեմ ավելի քան 1000-ից ավել գործ։
2016թ․-ին, ցանկանալով խորացնել իր իրավագիտության ոլորտում առկա գիտելիքները, ընդունվել է ԳԱԱ Գիտակրթական միջազգային կենտրոնի իրավագիտության ֆակուլտետ։ 2018թ ԳԱԱ իրավագետ Տիգրան Սարգսյանին շնորհվել է իրավագիտության մագիստրոսի աստիճան։
2019 թվականի մարտի 1-ին հիմնադրել է «Քաղաքացու իրավունքների պաշտպան» ՍՊԸ-ն և մինչ օրս հանդիսանում է ՍՊԸ-ի հիմնադիրն ու տնօրենը։
Տ․Սարգսյանը միակ չքաղաքականացված գործարարն է, որ բոլոր իշխանությունների օրոք ստեղծել է մի շարք նախադեպային վճիռներ, մասնավորապես Վճռաբեկ դատարանում հաղթել է ձյունը չմաքրելու համար ապօրինի տուգանքների ՎԴ/2550/05/14 վարչական գործը և այդ գումարով քաղաքային աստիճանները վերանորոգել, սխալ գծանշում կատարելու համար ՃՈ-ի դեմ ՎԴ/5620/05/15 վարչական գործը՝ պարտադրելով վարչական մարմիններին ուղղել իրենց սխալը և պատշաճ գծանշումներ իրականացնել Երևան քաղաքում։
Առաջին իրավաբաններից է, որ արգելափակել է ԴԱՀԿ-ի հաշիվները՝ և ԴԱՀԿԾ ապօրինի գործուղությունների հետևանքով առաջացած վնասի փոխհատուցումը ամբողջությամբ ստացել։ Տ․ Սարգսյանի համար առաջնային է նաև բնության պահպանությունը և մասամբ նրա շնորհիվ է, որ այսօր դատավորները թուղթ խնայելու համար վճիռները տպում են՝ օգտագործելով թղթի երկու կողմերը։ Ունիկալ 1 էջանոց հայցադիմումի հեղինակն է։ ՀՀ Ֆինանսների նախարարությանը անիմաստ չծանուցելու մասին միտքը ևս տվել է Տ․Սարգսյանը և զբաղվել է դրա լոբինգով, որպեսզի այն կյանքի կոչվի։
Տ․Սարգսյանը շատ է կարևորում հասարակության իրավագիտակցության բարձրացումը և դրան ուղղված մի շարք քայլեր է ձեռնարկել՝ հրապարակելով մի շարք ուսուցողական տեսահոլովակներ։ Սույն աշխատությունը ևս ուղղված է այդ նպատակին ծառայելու համար։ Իր ծավալած գործունեությունը հանրօգուտ և մարդասիրական է: Մի շարք քաղաքացիներ, որոնք հայտնվել են անելանելի իրավիճակում, դիմել են իրեն և հասել արդարության:
Տ․ Սարգսյանը զբաղվում է նաև գիտական գործունեությամբ։ 2021թ․-ին լույս է տեսել «Իրավագիտության հիմունքներ․ Վարչական իրավունք» գիրքը։ 2022 թ․ լույս է տեսել «Արդարության լաբիրինթի միֆերը» իրավաբանական հոդվածների ժողովածուն, որտեղ Տիգրան Սարգսյանը համահեղինակ է։
コメント